ഇ വാർത്ത | evartha
ജിഹാദില്ല, പ്രണയം മാത്രം; ഹാദിയ കേസ് എന്ഐഎ അവസാനിപ്പിച്ചു
ഷെഫിന്- ഹാദിയ വിവാഹത്തില് ലൗജിഹാദ് ഇല്ലെന്നും ഇതു സംബന്ധിച്ച് ഇനി കോടതിയില് റിപ്പോര്ട്ടുകള് സമര്പ്പിക്കുന്നില്ലെന്നും എന്ഐഎ വ്യക്തമാക്കി. ഹാദിയ കേസ് അന്വേഷിക്കാന് കേരളത്തിലെ 89 മിശ്രവിവാഹങ്ങളില് നിന്നായി തെരഞ്ഞെടുത്ത 11 കേസുകളാണ് എന്ഐഎ പരിശോധനയ്ക്ക് വിധേയമാക്കിയത്. അന്വേഷണത്തില് ചില പ്രത്യേക ഗ്രൂപ്പുകള് വഴിയാണ് മതപരിവര്ത്തനം നടത്തുന്നതെന്ന് കണ്ടെത്തിയെങ്കിലും ഇത് നിര്ബന്ധിതമാണെന്നതിന് തെളിവ് കണ്ടെത്താനായില്ല. രാജ്യത്ത് ഏതുമതം സ്വീകരിക്കാനും ഭരണഘടന ഉറപ്പുനല്കുന്ന സാഹചര്യത്തില് അന്വേഷണം അവസാനിപ്പിക്കാന് അന്വേഷണ ഏജന്സി തീരുമാനിക്കുകയായിരുന്നു.
ഹാദിയയുടെ പിതാവ് അശോകന് കേരള ഹൈക്കോടതിയില് നല്കിയ ഹര്ജിയില് ഹാദിയ – ഷെഫിന് വിവാഹം റദ്ദാക്കുകയായിരുന്നു. ഇതിനെ ചോദ്യം ചെയ്ത് ഷെഫിന് സുപ്രീംകോടതിയില് നല്കിയ ഹര്ജിയില് ഹൈക്കോടതി വിധി സുപ്രീംകോടതി റദ്ദാക്കി.
Copyright © 2017 Evartha.in All Rights Reserved.
No comments:
Post a Comment