പത്തനംതിട്ട: ശബരിമലയിൽ വിഷയവുമായി ബന്ധപ്പെട്ട കേസുകളില് അറസ്റ്റിലായ രാഹുല് ഈശ്വറിന്റെ ജാമ്യാപേക്ഷ കോടതി തള്ളി. പത്തനംതിട്ട ഫസ്റ്റ് ക്ലാസ് കോടതിയാണ് ജാമ്യാപേക്ഷ തള്ളിയത്. കേസ് തിങ്കളാഴ്ച വീണ്ടും പരിഗണിക്കും. സബ് ജയിലിലാണ് രാഹുല് ഈശ്വര് ഇപ്പോഴുള്ളത്. 14 ദിവസത്തേക്കായിരുന്നു രാഹുലിനെ റിമാന്ഡ് ചെയ്തത്.
ശബരിമലയില് സ്ത്രീ പ്രവേശനം അനുവദിച്ചുകൊണ്ടുള്ള സുപ്രീംകോടതി വിധി വന്നതിനു പിന്നാലെ പരസ്യമായ അക്രമത്തിന് രാഹുല് ആഹ്വാനം ചെയ്തിരുന്നു.
പൊലീസിന്റെ കൃത്യനിര്വഹണം തടസപ്പെടുത്തിയത് ഉള്പ്പടെയുള്ള സംഭവങ്ങളിലാണ് രാഹുല് ഈശ്വറിനും ഒപ്പമുള്ള ഇരുപതോളം പേര്ക്കുമെതിരേ പൊലീസ് കേസെടുത്തത്. ബുധനാഴ്ചയാണ് സന്നിധാനത്തുനിന്നും രാഹുല് ഈശ്വറിനെ അറസ്റ്റു ചെയ്തത്.
നിയമവിരുദ്ധമായി സംഘടിക്കുക, ലഹളയിലേര്പ്പെടുക, കുറ്റകൃത്യം ചെയ്യണമെന്ന ഉദ്ദേശ്യത്തോടെ സംഘം ചേരുക, പൊലീസിന്റെ കര്ത്തവ്യ നിര്വഹണത്തെ തടസ്സപ്പെടുത്തുക എന്നീ വകുപ്പുകളിലാണ് രാഹുലിനെതിരെ കേസെടുത്തത്.
The post അഴിക്കുള്ളിൽ തന്നെ; രാഹുല് ഈശ്വറിന്റെ ജാമ്യാപേക്ഷ കോടതി തള്ളി appeared first on News truth.
No comments:
Post a Comment